Azərbaycan, Bakı, 14 sentyabr /Trend/
14-18 sentyabr 2010-cu il tarixlərində Azərbaycanın Kanadadakı səfiri Fərid Şəfiyevin Vankuver şəhərinə işgüzar səfəri nəzərdə tutulur. Bu barədə Trend-ə Azərbaycanın Kanadadakı səfirliyinin mətbuat xidmətindən bildiriblər.
Səfər ərəfəsində Səfir F.Şəfiyev "Vancouver Sun" qəzetinə müsahibə vermişdir. Müsahibə əsasında qəzetdə "Westerners need lesson in religious tolerance" (Qərb insanlarının dini tolerantlıq mövzusunda məlumata ehtiyacı vardır) başlıqlı məqalə dərc olunmuşdur.
Məqalədə Səfir F.Şəfiyev 1918-ci ildə yaradılmış parlament respublikasının bir sıra Qərb ölkələrindən də öncə qadınlara kişilərlə eyni səviyyədə bir sıra siyasi hüquqlar verdiyini və müsəlman aləmində ilk operanın məhz Azərbaycanda bəstələnməsini qeyd etmişdir.
11 sentyabr hadisələrinin ildönümü və Nyu-Yorkda İslam mərkəzinin tikilməsinə etiraz olaraq floridalı keşişin "Quran" yandırmaq aksiyasına toxunan Səfir Qərbin Azərbaycanın dini dözümlülük üzrə təcrübəsindən yararlanmasının vacibliyini bildirmişdir.
Bakıda 2 sinaqoq, katolik kilsəsinin və bir neçə pravoslav kilsəsinin fəaliyyət göstərdiyini qeyd edən Səfir əhalisinin əksəriyyətinin müsəlman olan Azərbaycanda bunun normal qarşılandığını vurğulamışdır.
Azərbaycanın Kanadadakı səfiri "Vancouver Sun" qəzetinə müsahibə verib
14-18 sentyabr 2010-cu il tarixlərində Azərbaycanın Kanadadakı səfiri Fərid Şəfiyevin Vankuver şəhərinə işgüzar səfəri nəzərdə tutulur. Bu barədə Trend-ə Azərbaycanın Kanadadakı səfirliyinin mətbuat xidmətindən bildiriblər.
