Azərbaycan, Bakı, 21 oktyabr /Trend/
AFFA İntizam Komitəsinin növbəti iclası keçirilib.
Trend-in məlumatına görə, iclasda Premyer Liqanın 8-ci turunun oyunları ilə bağlı bir sıra qərarlar qəbul olunub.
Oktyabrın 17-də Premyer Liqanın VIII turunun "Sumqayıt" - "Neftçi" matçında "Neftçi" klubunun 4 futbolçusu sarı vərəqə ilə cəzalandığı üçün klub 1000 manat cərimə olunub.
"Qarabağ" - "Qəbələ" matçında "Qarabağ" klubunun 4, "Qəbələ" klubunun isə 5 futbolçusu sarı vərəqə ilə cəzalandığı üçün hər iki klub 1000 manat cərimə edilib.
Oktyabrın 18-də "Araz Naxçıvan" - AZAL matçında "Araz Naxçıvan" klubunun 4 futbolçusu sarı vərəqə ilə cəzalandığı üçün klub 1000 manat cərimə olunub.
Oktyabrın 19-da "Xəzər Lənkəran" - "Bakı" matçında "Bakı" klubunun 5 futbolçusu sarı vərəqə ilə cəzalandığı üçün klub 1000 manat cərimə olunub. Oyunun 69-cu dəqiqəsində "Bakı" klubunun 21 №-li futbolçusu Elşad Manafov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 200 manat cərimə olunub. Oyunun 30-cu dəqiqəsində "Bakı" klubunun məşqçisi Zekir Muarrem və inzibatçısı Vüqar Əliyev hakimlər briqadasın təhqir etdiklərinə görə hər biri 5 oyun cəzalanıb, klub 10000 manat cərimə olunub.