(Təfərrüatlar əlavə olunub. İlk xəbər 09:26-da qoyulub)
Bakı. Trend:
Türkiyənin Şırnak vilayətində törədilmiş teraktda ölənlərin sayı 9-a çatıb, 64 nəfər isə yaralı olduğu bildirilir.
Trend bu barədə Türkiyənin "Hürriyyet" qəzetinə istinadən xəbər verir.
Qəzetin yazdığına görə, ölü və yaralı sayının artacağı istisna edilmir.
X X X
"Özgür" qəzetinin məlumatına görə, Şırnak vilayətində polis bölməsinin yaxınlığında terror aktının törədilməsi nəticəsində 3 polis əməkdaşı həlak olub, iki dinc sakin isə yaralanıb.
Polis bölməsinin binası ciddi zərər görüb.
X X X
Türkiyənin Şırnak vilayətində polis bölməsinin yaxınlığında partlayış baş verib.
Trend bu barədə Anadolu agentliyinə istinadən xəbər verir.
İlkin məlumatlara görə, yaralananlar var.
Bildirilir ki, partlayışın arxasında PKK terror təşkilatı dayanır.