Bakı. Trend:
Türkiyə xalqı iqtisadi təzyiqlə mübarizə aparacaq. Trend-in "Anadolu" agentliyinə istinadən verdiyi məlumata görə, bunu Türkiyə Prezidenti Rəcəb Tayyib Ərdoğan deyib.
Dövlət başçısı qeyd edib: "Biz malik olduğumuz qədim ənənələri nəzərə almaqla iqtisadi inkişafa nail olmalıyıq".
Prezident bildirib ki, inkişaf etmiş Qərb ölkələri bu gün tətil dalğasının qarşısını ala bilmirlər: "Səbəb yanlış "diaqnoz"dur və buna görə də düzgün "müalicə" aparılmır".
R.T.Ərdoğanın sözlərinə görə, Avropa yüzlərlə miqrantı qəbul etmək gücündə deyil: "Lakin Türkiyə öz ərazisində üç milyon qaçqın yerləşdirib və onları öz hesabına saxlayır".
O bildirib ki, Avropa Parlamentinin son qərarı bu həqiqətin qəbul edilməsi deməkdir: "Buna baxmayaraq, biz hələ Avropa İttifaqı ilə münasibətləri kəsməmişik. Lakin mən "hələ" dedim".