...

Kommersiya təşkilatları ilə bağlı bəzi meyar göstəriciləri dəyişdirildi

Gündəm Materials 3 Avqust 2019 09:55 (UTC +04:00)
Kommersiya təşkilatlarının ictimai əhəmiyyətli qurumlara aid edilməsi üçün meyar göstəriciləri dəyişdirilib.
Kommersiya təşkilatları ilə bağlı bəzi meyar göstəriciləri dəyişdirildi

Trend-i buradan izləyin

Bakı. İlhamə İsabalayeva – Trend:

Kommersiya təşkilatlarının ictimai əhəmiyyətli qurumlara aid edilməsi üçün meyar göstəriciləri dəyişdirilib.

Trend-in məlumatına görə, Nazirlər Kabineti bununla əlaqədar “Kommersiya təşkilatlarının (kredit təşkilatlarından, sığorta şirkətlərindən, investisiya fondlarından və bu fondların idarəçilərindən, qeyri-dövlət (özəl) sosial fondlarından, qiymətli kağızlar bazarında lisenziyalaşdırılan şəxslərdən, qiymətli kağızları fond birjasında dövriyyədə olan hüquqi şəxslərdən başqa) ictimai əhəmiyyətli qurumlara aid edilməsi üçün meyar göstəricilərinin təsdiq edilməsi barədə” qərarda dəyişiklik edib.

Qərarla kommersiya təşkilatlarının (kredit təşkilatlarından, sığorta şirkətlərindən, investisiya fondlarından və bu fondların idarəçilərindən, qeyri-dövlət (özəl) sosial fondlarından, qiymətli kağızlar bazarında lisenziyalaşdırılan şəxslərdən, qiymətli kağızları fond birjasında dövriyyədə olan hüquqi şəxslərdən başqa) ictimai əhəmiyyətli qurumlara aid edilməsi üçün meyar göstəriciləri dəyişdirilib.

Qərara əsasən, illik gəlir üzrə meyar göstəricisi 180 milyon manat (əvvəl 120 mln.), balansın yekun məbləği 450 milyon manat (əvvəl 300 mln.) olub.

Məqalədə:
Xəbər lenti

Xəbər lenti