Bakı. Trend:
Azərbaycan Ordusunun hərbi qulluqçusu baş vermiş bədbəxt hadisə (ildırım vurması) nəticəsində vəfat edib.
Bu barədə Müdafiə Nazirliyindən Trend-ə bildirilib:
"Azərbaycan Ordusunun hərbi qulluqçusu əsgər Məmmədli Davud Fuad oğlunun xidmətdə olarkən baş vermiş bədbəxt hadisə (ildırım vurması) nəticəsində vəfat etməsi ilə bağlı məlumatı təsdiq edirik.
Faktla bağlı araşdırma aparılır.
Müdafiə Nazirliyinin rəhbərliyi vəfat edən hərbi qulluqçumuzun ailəsinə və yaxınlarına dərin hüznlə başsağlığı verir, səbir diləyir.
Allah rəhmət eləsin!", - deyə məlumatda qeyd olunub.