Bakı. Trend:
Türkmənistan qazının dünya bazarlarına çıxarılması üçün Azərbaycanla üçtərəfli əməkdaşlıq vacibdir.
Trend-in məlumatına görə, bu barədə Türkiyə Prezidenti Rəcəb Tayyib Ərdoğan türkmənistanlı həmkarı Serdar Berdiməhəmmədov ilə Ankarada keçirdiyi birgə mətbuat konfransında deyib.
O qeyd edib ki, üç ölkə bu əməkdaşlıq vasitəsilə enerji təhlükəsizliyinə töhfə vermək öhdəliyinə sadiqdir.
"Görüşümüz zamanı biz Xəzər dənizindən keçən Qərb-Şərq dəhlizinin təkmilləşdirilməsi ilə bağlı fikirlərimizi bölüşdük. Türkmənistanla bir çox məsələlərdə eyni mövqedə olduğumuzu gördük", - deyə Ərdoğan bildirib.
Türkiyə prezidenti Türk Dövlətləri Təşkilatında müşahidəçi statusunda olan Türkmənistanın da təşkilata tamhüquqlu üzv olmasını arzuladığını bildirib.