Bakı. Trend:
Oyun dünyasının ən əhəmiyyətli platforması olan “Steam” eynivaxtlı onlayn oyunçuların sayına görə yeni rekord qırıb.
Trend xəbər verir ki, “Steam Database” (verilənlər bazası) tərəfindən paylaşılan məlumata görə, “Steam” keçən həftə 33 milyon 675 min 229 onlayn oyunçu ilə rekordunu yeniləyib.
Rekordun qırıldığı vaxt bu oyunçulardan 10,6 milyonu oyunda olub.
Qeyd edək ki, əvvəlki rekord 33 milyon 598 min 520 onlayn oyunçu olub.