Azərbaycan, Bakı, 3 may /Trend, müxbir K.Zərbalıyeva/
Azərbaycanın Daşkəsən rayonunda torpaq sürüşməsi olub.
Daxili İşlər Nazirliyinin mətbuat xidmətinin bazar ertəsi yaydığı məlumata görə, mayın 2-də saat 01:02 radələrində Daşkəsən rayonu ərazisinə yağmış güclü yağış nəticəsində Alunitdağ qəsəbəsi ərazisində torpaq sürüşməsi baş verib.
Nəticədə elektrik təsərrüfatına ziyan dəyib, 2 qəsəbə sakininin yardımçı təsərrüfatlarının torpaq altında qalmasından onlara məxsus 40 baş mal-qara tələf olub.
Daşkəsən paytaxt Bakıdan 400 kilometr məsafədə yerləşir.