Bakı. Trend:
Sabirabadda avtomobil 6 yaşlı uşağı vurub.
DİN-in Mətbuat Xidmətinin Şirvan regional qrupundan Trend-ə verilən məlumata görə, qeyd edilən yol-nəqliyyat hadisəsi bu gün saat 15 radələrində rayon ərazisində baş verib. Rayonun Yolçubəyli kənd sakini F.Əlpaşayev idarə etdiyi "Toyota Prado" markalı avtomobillə hərəkətdə olan zaman qəfildən qarşısına çıxan azyaşlını vurub. Hadisə nəticəsində müxtəlif bədən xəsarətləri alan azyaşlı xəstəxanaya yerləşdirilib.
Faktla bağlı Sabirabad RPŞ-də araşdırmalar aparılır.