...

Sumqayıtda yataqxana binasında yanğın, 14 nəfər təxliyə edildi (VİDEO)

Hadisə Materials 2 Aprel 2025 09:11 (UTC +04:00)
Sumqayıtda yataqxana binasında yanğın, 14 nəfər təxliyə edildi (VİDEO)
Əliş Abdulla
Əliş Abdulla
Bütün xəbərlər

Bakı. Trend:

Sumqayıtda yataqxana binasında yanğın olub.

Trend xəbər verir ki, bu barədə Fövqəladə Hallar Nazirliyi məlumat yayıb.

Bildirilib ki, Sumqayıt şəhəri, 14-cü məhəllədə yerləşən yataqxana binasında yanğın baş verib. FHN-in Dövlət Yanğından Mühafizə Xidmətinin və Sumqayıt Regional Mərkəzinin qüvvələri əraziyə cəlb olunub.

Əməliyyat şəraitinə uyğun olaraq həyata keçirilmiş zəruri və təxirəsalınmaz tədbirlər sayəsində dördmərtəbəli yataqxana binasının dördüncü mərtəbəsinin dəhlizində baş vermiş yanğın genişlənməsinə, o cümlədən otaqlara keçməsinə imkan verilmədən qısa müddətdə söndürülüb.

Yanğın nəticəsində binanın 4-cü mərtəbəsinin dəhlizində 30p.m. elektrik kabeli, 10kv.m. sahədə dolab və əşyalar, 1 ədəd pəncərə çərçivəsi və 1 otağın qapısı qismən yanıb.

Təhlükəsizlik tədbirləri çərçivəsində 14 nəfər bina sakini təxliyə edilib.

Yataqxana binası və otaqlar yanğından mühafizə olunub.

Məqalədə:
Xəbər lenti

Xəbər lenti