Gürcüstan Prezidenti Mixail Saakaşvili dekabrın 24-də Azərbaycan Respublikasının Prezidenti İlham Əliyevə telefonla zəng edib. Məlumatı AzərTAc Dövlət İnformasiya Agentliyi yayıb.
Gürcüstan Prezidenti Azərbaycan Prezidenti İlham Əliyevi ad günü münasibətilə təbrik edib, ona dövlətçilik fəaliyyətində uğurlar, möhkəm cansağlığı arzulayıb. Azərbaycan Prezidenti təbrikə və diqqətə görə Mixail Saakaşviliyə minnətdarlığını bildirib.
Telefon söhbəti zamanı ikitərəfli münasibətlərimizin uğurla inkişaf etdiyi qeyd edilib, əlaqələrimizin bundan sonra da inkişaf edəcəyinə əminlik ifadə olunub.