Azərbaycan, Bakı, 18 yanvar / Trend , müxbir S.Ağayeva/
Azərbaycan Luvr muzeyində İslam mədəniyyəti guşəsinin yaradılmasına öz töhfəsini verib.
"Azərbaycan muzeyin xalçalar kolleksiyasının bərpa edilməsinə 1 milyon avro vəsait ayırıb", - Azərbaycan XİN-in YUNESKO yanında Azərbaycanın daimi nümayəndəliyinə istinadən verdiyi məlumatda deyilir.
Fransanın "Fiqaro" qəzetində Luvr muzeyinə könüllü ianələr haqqında məlumat dərc olunub. "Muzeydə İslam incəsənətinə həsr olunmuş guşənin yaradılmasına könüllü yardımlar edən müsəlman ölkələri sırasında Azərbaycanın da adı var", - daimi nümayəndəlik məlumat verib.