İsveçrədə işgüzar səfərdə olan Azərbaycan Prezidenti İlham Əliyev yanvarın 27-də Davosda "Bloomberg" informasiya agentliyinin xüsusi müxbiri Yuri Hamberə və "The Wall Street Journal"-ın müxbirlərinə müsahibə verib. Məlumatı AzərTAc Dövlət İnformasiya agentliyi yayıb.
Dövlətimizin başçısı Azərbaycanda neft və qaz istehsalı, energetika sahələrində görülən işlər, karbohidrogen ehtiyatlarının ixracı perspektivləri, Avropanın enerji təhlükəsizliyinin təmin olunmasında Azərbaycanın rolu, regional məsələlər, Ermənistan-Azərbaycan, Dağlıq Qarabağ münaqişəsi, ATƏT-in Minsk qrupu həmsədrlərinin bu məsələ ilə bağlı fəaliyyəti və digər mövzularda sualları cavablandırıb.