Аzərbaycan, Bakı, 21 may /Trend, müxbir E.Ostapenko/
Avropa İttifaqının Cənubi Qafqazda mövqeyi üç sahədə cəmləşməlidir:
- münaqişənin həlli;
- demokratiyanın inkişafı, insan hüquqları və hüquqların üstünlüyü;
- iqtisadi əməkdaşlıq və sosial inkişaf.
Cümə axşamı Avropa Parlamenti tərəfindən qəbul olunmuş qətnamədə belə deyilir.
"Biz bəzən Cənubi Qafqazın Avropada yerləşdiyini unuduruq" , - deyə qətnamə layihəsinə hazırlaşan Avropa Parlamentinin deputatı Yevgeni Kirilov bildirib. - "Təhlükəsizliyin təminatı bu üç ölkənin inkişafına (Azərbaycan, Ermənistan, Gürcüstan) və vəziyyətin yaxşılaşmasına şərait yaradacaq; lakin Avropaya inteqrasiyada inkişafa nail olmaq üçün daha çox çalışmaq lazımdır".
"Azərbaycan, Gürcüstan, Ermənistan 2004-cü ildən bəri Avropanın mehriban qonşuluq siyasətində əməkdaşlıq edirlər, lakin regionda vəziyyət gərgin olaraq qalır", - qətnamədə deyilir. Avropa Parlamentinin üzvləri, həmçinin, Avropa İttifaqının enerji təhlükəsizliyinin təminatında Cənubi Qafqaz boru kəməri üzrə qazın Xəzərdən Qara dənizə nəqlində regionun böyük əhəmiyyətini qeyd ediblər.
Avropa Parlamentinin üzvləri Cənubi Qafqaz ölkələrinin energetika sahəsində Avropa İttifaqı ilə əməkdaşlığının möhkəmlənməsini dəstəklədiklərini bildiriblər və Aİ-ni "Nabucco" boru kəmərinin inşası ilə bağlı layihə üzərində səylə çalışmağa çağırıblar.
"Dondurulmuş müqavilə" iqtisadi və sosial inkişafa mane olur. Qətnamədə qeyd olunur ki, Avropa Cənubi Qafqaz regionu ilə əlaqələrdə mürəkkəb geosiyasi vəziyyətlə qarşılaşır ki, bu da birinci növbədə, Dağlıq Qarabağ və Gürcüstanda baş verən münaqişələr, həmçinin, Ermənistan və Türkiyə arasında gərgin münasibətlərlə bağlıdır.
Regionda münaqişəli vəziyyət qəbulolunmazdır; son zamanlar hərbi xərclərin artırılmasına və Azərbaycanın işğal altında olan ərazilərindən erməni silahlı qüvvələrinin çıxarılmasına səy göstərən Avropa Parlamentinin üzvləri belə hesab edirlər.
İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan silahlı qüvvələrinin işğalı altındadır.
Avropa Parlamentinin üzvü Kirilov qeyd edib ki, "Avropa İttifaqı hələ də kifayət qədər fəal deyil". 2008-ci ilin avqustunda Gürcüstanda baş verən münaqişə Cənubi Qafqaz regionunda problemin həllində Aİ-nin fəal iştirakının vacibliyini göstərdi.
Gürcüstana gəldikdə isə Avropa İttifaqı mayın 30-da ölkədə keçiriləcək seçkilərdə beynəlxalq seçki standartlarının yerinə yetirilməsi təminatı üçün tədbirlər görməyi təkid edir. Avropa Parlamentinin Xarici işlər komissiyası seçkilərin gedişatını müşahidə etmək üçün yeddi nəfərdən ibarət xüsusi nümayəndə heyətini Gürcüstana göndərəcək.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
