Azərbaycan, Bakı, 5 iyun /Trend/
Azərbaycan Prezidenti İlham Əliyev çərşənbə axşamı Türkiyə Respublikasının Quru Qoşunları Komandanı Hayri Kıvrıkoğlunun başçılıq etdiyi nümayəndə heyətini qəbul edib.
Görüşdə Azərbaycan ilə Türkiyə arasında bütün istiqamətlərdə, o cümlədən hərbi sahədə əlaqələrin yüksək səviyyədə olduğu vurğulandı, Türkiyə Respublikasının Quru Qoşunları Komandanı Hayri Kıvrıkoğlunun ölkəmizə səfərinin uğurlu olacağına və hərbi sahədə əməkdaşlığın daha da genişləndirilməsi işinə xidmət edəcəyinə əminlik ifadə edildi.