Azərbaycan, Bakı, 18 iyun /Trend/
Azərbaycan Prezidenti İlham Əliyev Albaniya Respublikasının yeni seçilmiş Prezidenti Buyar Nişaniyə təbrik məktubu ünvanlayıb.
"Albaniya Respublikasının Prezidenti vəzifəsinə seçilməyiniz münasibətilə Sizi səmimi qəlbdən təbrik edirəm.
Ümidvaram ki, Azərbaycan-Albaniya münasibətləri, dostluq və əməkdaşlıq əlaqələrimiz xalqlarımızın mənafelərinə uyğun olaraq bundan sonra da möhkəmlənəcək və inkişaf edəcəkdir", - təbrikdə deyilir.
İlham Əliyev Buyar Nişaniyə möhkəm cansağlığı, xoşbəxtlik, dost Albaniya xalqının rifahı naminə qarşıdakı fəaliyyətində uğurlar diləyib.