Azərbaycan, Bakı, 1 oktyabr /Trend, müxbir M.Əliyev/
Azərbaycanda deputatların Etik Davranış Kodeksi qəbul oluna bilər.
Trend-in məlumatına görə, bu təkliflə Milli Məclisin iclasında parlamentin Hüquq siyasəti və dövlət quruculuğu komitəsinin sədri Əli Hüseynli çıxış edib.
O bildirib ki, deputatların Etik Davranış Kodeksi ayrıca layihə kimi qəbul edilə bilər və ya "Deputat statusu haqqında" qanunda yer ala bilər. Komitə sədri bununla bağlı layihə hazırlandığını bildirib.
Hüseynli bu məsələnin MM-in payız sessiyasının gündəliyinə salınmasını təklif edib.