Azərbaycan, Bakı, 25 iyun /Trend/
Prezident İlham Əliyev "Azərbaycan Respublikasının Samur-Yalama Milli Parkı haqqında Əsasnamə"nin təsdiq edilməsi barədə fərman imzalayıb.
Nazirlər Kabinetinə "Xüsusi mühafizə olunan təbiət əraziləri və obyektləri haqqında" Azərbaycan Respublikası Qanununun 42-ci maddəsinə uyğun olaraq, xüsusi mühafizə olunan təbiət ərazilərindən və obyektlərindən elmi, mədəni, tədris, turizm və rekreasiya, məhdud təsərrüfat məqsədləri ilə ödənişli əsaslarla istifadə qaydasını və ödənişin məbləğini 2 ay müddətində təsdiq etmək və bu barədə Azərbaycan Respublikasının Prezidentinə məlumat vermək; bu fərmandan irəli gələn digər məsələləri həll etmək tapşırılıb.
Ekologiya və Təbii Sərvətlər Nazirliyi bu fərmandan irəli gələn məsələləri həll etməlidir.