Bakı. Elçin Mehdiyev - Trend:
Milli Məclisin deputatı, Azərbaycan-Latviya parlamentlərarası əlaqələr üzrə işçi qrupun rəhbəri Kamran Bayramov oktyabrın 4-dən 7-dək Riqa şəhərində səfərdə olacaq.
Trend-in məlumatına görə, K.Bayramov Milli Məclisin xətti ilə beynəlxalq müşahidəçi qismində Latviya Seyminə keçiriləcək seçkiləri müşahidə edəcək.
Deputat öncə seçkilərə hazırlığın vəziyyəti ilə tanış olacaq. Oktyabrın 6-da isə seçki prosesini müşahidə edəcək, demokratik qaydalara riayət edilməsinə, seçicilərin hüquqlarının təmin olunmasına, vətəndaşların fəallığına diqqət yetirəcək, səslərin hesablanması prosesini izləyəcək.