...

Qarabağ zəfəri türk dünyası üçün çox mühüm qürur mənbəyi oldu - İbrahim Kalın

Siyasət Materials 7 Dekabr 2022 16:14 (UTC +04:00)
Qarabağ zəfəri türk dünyası üçün çox mühüm qürur mənbəyi oldu - İbrahim Kalın

Trend-i buradan izləyin

Humay Ağacanova
Humay Ağacanova
Bütün xəbərlər

Bakı. Trend:

44 günlük Qarabağ zəfəri türk dünyası üçün çox mühüm qürur və ümid mənbəyi oldu. Bu, onu göstərdi ki, birləşsək, birlikdə hərəkət etsək, strateji imkan və imkanlarımızı birləşdirsək, nələrə nail ola bilərik.

Trend-in məlumatına görə, bunu Türkiyə Prezidentinin mətbuat katibi İbrahim Kalın bu gün Türkiyə Milli Kitabxanasında “ Diplomatik Münasibətlərin 30-cu ildönümünə həsr olunmuş Türkiyə-Qazaxıstan Təhsil Əməkdaşlığı və Əhməd Yəsəvi Universiteti” seminarında çıxışında bildirib.

O qeyd edib ki, Qarabağ zəfəri təkcə Türkiyədə və Azərbaycanda deyil, bütün türk dünyasında, Orta Asiyada ürəkdən qeyd olunur.

“Daha da əhəmiyyətlisi, bundan sonra birlik və həmrəylik içində hərəkət etdiyimiz zaman bu, bizə nəyə nail ola biləcəyimizə dair çox vacib bir özünəinam verdi, üfüq perspektivi təqdim etdi. Xüsusilə, son dönəmdə türk dünyasının özünə gəlməyə başladığı çox strateji, tarixi və kritik bir dönəmdən keçirik. Türk dünyası yenidən birləşir, yeni bir üfüq açır. Türk Dövlətləri Təşkilatı olaraq yenidən müəyyən edilən, formalaşan və təşkilatlanan təşkilatımızın siyasi baxışı bunun ən konkret nəticələrindən biridir", - deyə İ.Kalın əlavə edib.

Məqalədə:
Xəbər lenti

Xəbər lenti