İyulun 13-də Bakıda Xəzərin statusu ilə bağlı Azərbaycan-İran danışıqlarının növbəti mərhələsi keçirilib. Azərbaycan XİN idarəsinin rəisi Tahir Tağızadənin Trend ə verdiyi məlumata görə, danışıqlar Azərbaycan və İran prezidentlərinin Xəzərin statusu üzrə xüsusi nümayəndələri xarici işlər nazirinin birinci müavini Xələf Xələfovla Mehdi səfəri arasında aparılıb.
T.Tağızadənin sözlərinə görə, görüşdə "iki ölkənin mövqelərinin yaxınlaşması üzrə növbəti addımlar" müzakirə edilib. Bundan başqa, Xələfov və Səfəri həmçinin "ikitərəfli əməkdaşlıq üzrə bir çox məsələləri və münasibətlərin intensivləşməsini" müzakirə ediblər".
İran prezidentinin xüsusi nümayəndəsi Azərbaycanın xarici işlər naziri Elmar Məmmədyarov tərəfindən də qəbul edilib.