"Azadlıq" blokunun avqustun 6-da Göyçayda keçirdiyi icazəsiz aksiya zamanı həbs olunanlar azad ediliblər. Bu barədə Trend ə blokda təmsil olunan Azərbaycan Xalq Cəbhəsi Partiyası (AXCP-islahatçılar) Göyçay rayon təşkilatının sədri Səmid Məmmədov məlumat verib. O, bildirib ki, aksiya zamanı 15 nəfər polislər tərəfindən həbs olunub. Onların 10-u polis bölməsinə aparılıb, 5 nəfərin isə hara aparıldığı məlum olmayıb. Sonradan həmin 5 nəfərin yeri aşkarlanıb və onlar barədə məlumat əldə olunub. Aksiya zamanı polislər tərəfindən saxlanılanlardan iki nəfəri əmək haqqının iki misli qədər cərimələnib, qalanlarına isə şifahi xəbərdarlıq edilələrə sərbəst buraxılıblar.
S.Məmmədovun sözlərinə görə, aksiya ilə bağlı Göyçaya ezam olunmuş "Azadlıq" qəzetinin əməkdaşı Şahir Ərsoy polislər tərəfindən döyülüb. Həmçinin icazəsiz mitinqə cəhd göstərən aksiyaçılardan da yüngül xəsarət alanlar var.
