Hazırda Azərbaycan Mühəndis İnşaat Universiteti (AMİU) respublikada Bakını müasir dövrlə ayaqlaşan paytaxta çevirmək iqtidarında olan kifayət qədər kadr potensialına malik yeganə mərkəzdir. Bu barədə, Trend agentliyinin məlumatına əsasən, AMİU-nun rektoru, memarlıq doktoru Gülçöhrə Məmmədova iyunun 14-də Azərbaycan paytaxtının inkişaf perspektivlərinə həsr olunmuş dəyirmi masada bildirib.
Onun sözlərinə görə, gur iqtisadi artımı nəticəsində Bakı sürətlə tikilsə də, şəhərsalma qaydalarına ciddi riayət etməyin vaxtı gəlib çatıb. AMİU-nun rektoru qeyd edib ki, Bakınn köhnə baş planı artıq mövcud həqiqətləri əks etdirmir və yenisinin hazırlanmasına ehtiyac var. "Hər şəhərin baş planında ortamüddətli perspektivdə onun inkişaf məsələləri nəzərdə tutulur" - deyə G.Məmmədova əlavə edib.
"Şəhərin tarixi hissəsi qorunub saxlanılmalıdır və Bakının bu hissəsinin yenidən tikilməsi kökündən səhvdir" - deyə rektor vurğulayıb.