Naxçıvan MR-də ucqar dağ kəndlərinin qazlaşdırılması davam edir. Bu barədə Trend in Naxçıvan Bürosu xəbər verir.
Hazırda ucqar dağ kəndlərinin mavi yanacaqla təmin edilməsi digər rayonlarla paralel olaraq Şahbuz rayonunda da davam etdirilir. İndiyədək rayonun Qarababa, Mahmudoba, Nursu, Türkeş, Mərəlik, Ayrınc kəndlərinə qaz xətti çəkilişi başa çatıaraq bu ərazilərədə qazın verilməsinə başlanılıb. Cari ilin sonunadək isə Kükü, Güney və Qızıl Qışlaq, Badamlı qəsəbəsində, Şada, Badamlı, Şahbuzkənd, Keçili və Külüs zonaları da mavi yanacaqla təmin olunacaq.
Trend in Naxçıvan Bürosu Şahbuz rayon Qaz istismarı idarəsinin məlumatına istinadən xəbər verir ki, mavi yanacaq abunəçilərdən ötən ay ərzində 664 manat vəsait toplanılıb. Həmin müddət ərzində isə rayon əhalisinə 14080 kubmetr qaz verilib.