Trend xəbər verir ki, cümə axşamı Azərbaycanın səhiyyə naziri Oqtay Şirəliyev bildirib ki, yaxın günlərdə Azərbaycanın Neftçala rayonu Boyaq kənd sakini, 1969-cu il təvəllüdlü mərhum Zəminə Zeynalovanın analiz nümunələri ilə bağlı laborator rəylər alınacaq.
Onun sözlərinə görə analiz nümunələri əlavə laborator tədqiqatlar üçün Ümumdünya Səhiyyə Təşkilatının PCR laboratoriyasına göndərilib.
Z.Zeynalova fevralın 2-də "quş qripi" virusuna yoluxması ehtimalı ilə Ağ ciyər elmi tədqiqat intitutuna yerləşdirilmişdi. Lakin Azərbaycanda aparılan laborator tədqiqatlar onun "quş qripi" virusuna yoluxmasını təsdiqləməmişdi. Mərhuma həkimlər tərəfindən ilkin qoyulan diaqnoz - ikitərəfli pnevmaniya olub.