Azərbaycan, Xaçmaz, 31 mart / Trend , müxbir A.Qafarov/ Azərbaycanın Quba rayonunda martın 31-də azərbaycanlılara qarşı soyqırım faktı ilə bağlı ucaldılan abidənin açılışı olub.
31 mart Azərbaycanda- Azərbaycanlıların Soyqırımı Günü kimi qeyd edilir. 1918-ci ilin mart ayında hakimiyyəti ələ keçirmiş daşnaklar Şaumyanın rəhbərliyi altında mart-aprel aylarında Bakı, Şamaxı, Quba və digər bölgələrdə on minlərlə günahsız azərbaycanlını amansızcasına qətlə yetiriblər.
Ümummilli lider Heydər Əliyevin 1998-ci ildə imzaladığı fərmana əsasən 31 mart azərbaycanlıların soyqırımı günü kimi qeyd edilir.
Qubada ucaldılan soyqırım abidəsi səkkiz güşəlidir və qarşısında əbədi məşəl yanır. Abidənin tikintisinə ötən ilin noyabrından başlanılıb.