Azərbaycan, Bakı, 10 aprel /Trend, müxbir İ.İsabalayeva/
Tələbə Qəbulu üzrə Dövlət Komissiyası aprelin 7-də keçirdiyi ilk sınaq imtahanının nəticələrini açıqlayıb.
Komissiyadan çərşənbə günü Trend-ə verilən məlumata görə, imtahanın nəticələri qurumun saytında yerləşdirilib.
İmtahanda iştirak etmək üçün respublika üzrə abituriyentlərə 34464 yer ayrılıb. İmtahana qeydiyyat internet vasitəsilə martın 28-dən aparılıb. Növbəti sınaq imtahanı aprelin 14-də keçiriləcək. Hazırda həmin tarix üzrə imtahana qeydiyyat aparılır.