Azərbaycan, Bakı, 17 fevral /Trend, müxbir İlkin İzzət/
Bakıda Heydər Əliyev prospektinin köməkçi yollarından biri, Heydər Əliyev Mərkəzindən metronun "Koroğlu" stansiyası istiqamətindəki kənar yoldan "Bağırov körpüsü"nün altındakı tunelə giriş bağlanacaq. Bunu Trend-ə Nəqliyyat Nazirliyi "Azəryolservis" ASC-nin mətbuat katibi Pünhan Mürsəliyev deyib.
Onun sözlərinə görə, tunelə giriş fevralın 18-i saat 9:00-dan etibarən bağlanacaq. Bu addım tuneldə aparılacaq təmir işləri ilə əlaqədardır.
P.Mürəsliyev qeyd edib ki, təmir işlərinin 2 gün ərzində yekunlaşdırılması planlaşdırılır.