Bakı. İlhamə İsabalayeva - Trend:
Bu il Azərbaycandan xaricə gedənlərin sayı çox olub.
Trend-in məlumatına görə, bunu mədəniyyət və turizm naziri Əbülfəs Qarayev 27 sentyabr - Ümumdünya Turizm Günü ilə əlaqədar keçirdiyi brifinqdə məlumat verib.
Nazir qeyd edib ki, bu il 4 milyondan çox Azərbaycan vətəndaşı xaricə səfər edib.
Ə.Qarayev deyib ki, bu ilin 8 ayında ölkənin regionlarında 1 294 820 nəfər istirahət edib. Turistlər ölkədə 730 milyon 938 min manat xərcləyiblər. Bu isə ötən ilə nisbətən 2 dəfə çoxdur:
"Azərbaycandan xaricə gedən vətəndaşlar isə 600 milyon manat civarında pul xərcləyiblər. Bu o deməkdir ki, Azərbaycanın daxilində turizm munasibətləri musbət dinamika üzrə davam edir. Ölkənin turizm sənayesi artıq dövlət büdcəsinə böyük tövhə verir".