Bakı. Trend:
İyulun 14-dən 2022-2023-cü tədris ili üzrə müəllimlərin işə qəbulu müsabiqəsinin test imtahanı mərhələsinə start veriləcək.
Bu barədə Trend-ə Təhsil Nazirliyindən məlumat verilib.
Qeyd edilib ki, test imtahanı mərhələsinin keçiriləcəyi tarix və
yer barədə məlumat namizədlərin şəxsi səhifələrinə artıq
göndərilib. Namizədlər şəxsi səhifələrinə daxil olaraq imtahanların
keçiriləcəyi tarix və məkanla tanış ola bilərlər.
Qeyd edək ki, namizədlər şəxsi səhifələrində göstərilən son
qeydiyyat saatından sonra imtahan zalına buraxılmayacaq.