Bakı. Trend:
Bakıda bədən tərbiyəsi və idman üzrə nazirlərin və yüksək vəzifəli şəxslərin VII Beynəlxalq Konfransı (MİNEPS VII) başa çatıb.
Trend-in məlumatına görə, UNESCO-nun baş direktorunun sosial və humanitar elmlər üzrə müavini Qabriela Ramos konfransın bağlanışında çıxış edərkən deyib ki, MINEPS konfransı idmanın həyatı dəyişdirə biləcəyinə dair vahid mesajın hazırlanmasına yardımçı olub: "Bu isə sosial, iqtisadi, siyasi gündəliyin bir hissəsinə çevrilməlidir".
Onun sözlərinə görə, konfransın təşkili ən yüksək səviyyədə keçirilib və konfrans zamanı heyrətamiz nəticələr əldə edilib.
Konfransın yekunu olaraq YUNESKO-nun "Fit for Life" (Həyat üçün uyğun) idman proqramı çərçivəsində Bakı yekun sənədi də qəbul edilib.
İyunun 26-29-da Bakıda 120-dən çox ölkədən 50-dən çox nazir və rəsmi şəxsin, eləcə də 540-dan çox nümayəndənin iştirak etdiyi bədən tərbiyəsi və idman üzrə nazirlərin və yüksək vəzifəli şəxslərin VII Beynəlxalq Konfransı (MINEPS VII) keçirilib.
