Azərbaycan, Bakı, 25 aprel /Trend/
Azərbaycan Respublikası Dövlət Neft Şirkətinin (ARDNŞ) Gürcüstandakı nümayəndəliyinin ofisində ARDNŞ ilə Gürcüstanın Milli Olimpiya Komitəsi (MOK) arasında əməkdaşlıq haqqında memorandum imzalanıb. Trend-in məlumatına görə, bu barədə xəbər ARDNŞ-in rəsmi saytında xəbər yayılıb.
Sənədi ARDNŞ-nin Gürcüstan nümayəndəliyinin rəhbəri Mahir Məmmədov və Gürcüstan MOK-nun prezidenti Leri Xabelov imzalayıb. Memorandum çərçivəsində müxtəlif Olimpiya proqram və layihələrinin, Beynəlxalq Olimpiya Komitəsinin və Avropa Olimpiya Komitəsinin xətti ilə keçirilən idman tədbirlərində iştirakın dəstəklənməsi, Gürcüstan MOK-nun regional təşkilatları səviyyəsində proqramların həyata keçirilməsi, idmançılara və məşqçilərə sosial kömək məqsədilə tibbi idman mərkəzinin fəaliyyətinin təkmilləşdirilməsi, nəşriyyat və maarifləndirmə işinin təşkili nəzərdə tutulur.