Azərbaycan, Bakı, 18 iyul /Trend, müxbir E.Tanrıverdiyev/
İngiltərənin "Çelsi" klubu hücumçu Ueyn Runinin transferi ilə bağlı "Mançester Yunayted"ə yenidən təklif göndərəcək. Bu barədə Trend "Guardian" qəzetinə istinadən xəbər verir.
London təmsilçisi 27 yaşlı futbolçuya görə 25 milyon funt sterlinq ödəməyə hazırdır.
Qeyd edək, Runinin transferinə görə "Çelsi"nin 20 milyon funt sterlinq həcmində olan ilk təklifi "Mançester Yunayted" tərəfindən rədd edilib.
Xatırladaq ki, Runini daha bir London təmsilçisi "Arsenal" heyətinə qatmaq istəyir. Bu məlumatı artıq klubun baş məşqçisi Arsen Venqer də təsdiqləyib.