...

Gənclər və böyüklər arasında idman dırmanması üzrə çempionat keçiriləcək

İdman Materials 25 Avqust 2017 10:47 (UTC +04:00)
“Gömrükçü” İdman Klubunun açıq birinciliyi və çempionatı keçiriləcək.
Gənclər və böyüklər arasında idman dırmanması üzrə çempionat keçiriləcək

Bakı. Trend:

Azərbaycan Hava və Ekstremal İdman Növləri Federasiyası, eləcə də Dövlət Gömrük Komitəsi İdman Sağlamlıq Mərkəzinin “Gömrükçü” İdman Klubunun təşkilatçılığı ilə idman dırmanması üzrə yeniyetmə, gənclər və böyüklər arasında “Gömrükçü” İdman Klubunun açıq birinciliyi və çempionatı keçiriləcək.

“ClimBaku” Dırmanma Mərkəzində təşkil ediləcək yarışda avqustun 26-27-də yeniyetmə və gənclər, sentyabrın 9-10-da isə böyükyaşlı idmançılar mübarizə aparacaqlar.

Yeniyetmə və gənclər çətinlik növündə, böyükyaşlı idmançılar isə boldrinq və sürət növlərində bacarıqlarını nümayiş etdirəcəklər.

Yarışda “Gömrükçü” İK ilə yanaşı, “Qərb Universiteti” İK, “Qafqaz” İK, “Ekosport” İK, FHN İSK, “Kyanite” İK, “Şəki AMA” İK, “Salavat” İK (Qusar), “Tornado” İK və “Gilavar” İdman Klubundan ümumilikdə 70-dək idmançı qüvvəsini sınayacaq.

Qeyd edək ki, “Gömrükçü” İdman Klubunu bu yarışda hər üç yaş qrupu üzrə 24 idmançı təmsil edəcək. Yarışın açılış mərasimi avqustun 26-sı saat 17:00-da “ClimBaku” Dırmanma Mərkəzində keçiriləcək.

Məqalədə:
Xəbər lenti

Xəbər lenti