Bakı. Trend:
Avropa Gimnastika İttifaqının (UEG) İcraiyyə Komitəsi 2019-cu ildə Bakıda keçiriləcək bədii gimnastika üzrə Avropa çempionatının vaxtını dəyişdirib.
Trend-in məlumatına görə, bu qərar Bakıda futbol üzrə UEFA Avropa Liqasının final matçının da keçirilməsi ilə əlaqədar qəbul edilib.
Yeni qərara əsasən, bədii gimnastika üzrə Avropa çempionatı 16-19 may tarixlərində baş tutacaq. Bundan əvvəl, bu turnirin mayın 31-dən iyunun 2-dək keçirilməsi nəzərdə tutulurdu.
Qeyd edək ki, Avropa Liqasının finalı Bakı Olimpiya Stadionunda 2019-cu ilin mayın 29-da keçiriləcək.