Azərbaycan, Bakı / Trend / Dövlət Gömrük Komitəsinin məlumatında bildirilir ki, yanvar-noyabr aylarında Azərbaycana MDB ölkələrindən 1673402,7 min dollar dəyərində əmtəə idxal olunub ki, bu da ölkənin ümumi idxalının 33,47%-ni təşkil edir.
MDB-dən Azərbaycana mineral yanacaq, taxıl bitkiləri, avadanlıq, mexaniki qurğular, qara metallurgiya məmulatları gətirilib.
Azərbaycandan MDB-yə isə 1005012,4 min dollar dəyərində əmtəə ixrac olunub (ümumi ixracın 18,40%-i).
MDB ölkələrinə əsasən şəkər, şəkərdən hazırlanmış qənnadı məhsulları, kimyəvi maddələr, heyvani və bitki yağları, pambıq, meyvə-tərəvəz ixrac olunub.
MDB ölkələri ilə ticarətdə 668390,3 min dollar məbləğində müsbət saldo yaranıb.