Bakı. Trend:
Britaniyanın BBC telekanalı gələn həftə işin sadələşdirilməsi çərçivəsində yüzlərlə xəbər işçisini ixtisar edəcək.
Xarici media yazır ki, BBC gələn həftə əsas xəbər bölməsində yüzlərlə iş yerini ixtisar etməyə hazırlaşır. Bu, işçi qüvvəsinin radikal şəkildə azaldılması proqramının ilk mərhələsidir.
Dövlət maliyyəsində yüz milyonlarla funt sterlinqə qənaət etmək vəzifəsi daşıyan korporasiyanın yeni rəhbərliyi 2000 işçini işdən çıxarmaq niyyətindədir. Korporasiyanın büdcəsi onda bir qədər azaldılacaq.
İşdənçıxarmalara əlavə olaraq, BBC işçilərin səyahətləri, xarici məsləhətçilər, konfranslar və mükafatlandırma mərasimləri xərclərini azaltmaq niyyətindədir.
Bundan əvvəl BBC-nin yeni baş direktoru Mett Brittin maliyyə çatışmazlığı səbəbindən işçilərin ixtisar olunacağını açıqlamışdı.
