Bakı. Trend:
Azərbaycanın Xalq Artisti Flora Kərimova Birinci Vitse-prezident Mehriban Əliyevaya müalicəsinə göstərdiyi xüsusi diqqətə görə təşəkkürünü bildirib.
Bu barədə Trend-ə F.Kərimovanın ögey qızı Yaqut İmanova məlumat verib.
Xalq artisti səhhətindəki problemlərlə əlaqədar xəstəxanaya yerləşdirilib və Birinci vitse-prezident Mehriban Əliyeva Flora Kərimovanın müalicəsini öz nəzarətinə götürüb.
Bundan əlavə, F. Kərimovanı Azərbaycan Respublikası Prezidentinin köməkçisi və Heydər Əliyev Fondunun icraçı direktoru Anar Ələkbərov ziyarət edib. Ona xalq artistinin müalicəsinin gedişi barədə məlumat verilib.
