Bakı. Trend:
"Qarabağ" klubu Kiprin APOEL komandasından braziliyalı yarımmüdafiəçi Dieqo Rosanı icarəyə götürüb.
Bu barədə klubun mətbuat xidməti məlumat verib.
23 yaşlı futbolçu ilə 1 illik müqavilə imzalanıb. O, komandada 33 nömrəli forma ilə çıxış edəcək.
Müqaviləyə əsasən icarə müddətinin sonunda Ağdam təmsilçisi futbolçunu transfer etmək hüququna malikdir.
2021-ci ildə “Qremio”dan “Mançester Siti”yə transfer olunan Rosa “Lommel” (Belçika), “Vizela” (Portuqaliya), “Bahia” və “İnter” (hər ikisi Braziliya) klublarında çıxış edib. O, 2025-ci ildə APOEL-ə keçib.
Yarımmüdafiəçi Braziliyanın U-16 və U-17 milli komandalarında da çıxış edib.
