Azərbaycan, Bakı, 16 fevral / " , müxbir Ü.İsmayılova / Martın 1-dən Azərbaycan Sığortaçılar Assosiasiyasının yeni icraçı direktoru Qafar Məcidov olacaq, şənbə günü hazırda təşkilatın icraçı direktoru olan Hidayət Abdullayev deyib.
Məcidov ötən cümə günü təşkilatın iclasında martın 1-dən Assosiasiyanın icraçı direktoru vəzifəsinə təsdiq edilib. 1975-ci il təvəllüdlü Məcidov Azərbaycan Milli Elmlər Akademiyası İqtisadi İnstitutunun aspirantıdır. Qabaqca "Qaradağ Sement" ASC, "Marsh Copsey & Associates" və "Renault Azərbaycan" şirkətlərində rəhbər vəzifələrdə çalışıb.
"Təyinatımla əlaqədar başqa ökəyə gedirəm, lakin sığorta sahəsində işləməyəcəm" - Abdullayev deyib.
Abdullayev iyunun 22-də Assosiasiyanın birinci iclasında təşkilatın icraçı direktoru seçilib. Assosiasiyada fəaliyyətə başlamazdan əvvəl bir neçə il ərzində "Kavkaz" sığorta şirkətinə rəhbərlik edib.
Azərbaycan Sığortaçılar Assosiasiyası 2006-ci il dekabrın 29-da təsis edilib. Assosiasiyanın Müşahidə Şurasına beş sığorta şirkəti ("MBASK", "Standard Insurance", Beynəlxalq Sığorta Şirkəti, "Azersigorta" və "Ateshgah") daxildir. Müşahidə Şurasının sədri - "Standard Insurance"ın baş direktoru Kamal İbrahimov, sədr müavini - "MBASK" İdarə Heyətinin sədri Cəmil Məlikovdur.
Müəlliflə əlaqə saxlamaq üçün elektron ünvan - [email protected]