Azərbaycan, Bakı, 21 aprel/ Trend müxbir Ü.İsmayılova/ Azərbaycanın yeni sığorta şirkəti Qarant Sigorta 2009-cu ildə törəmə Life şirkəti açmaq niyyətindədir. Bu barədə bazar ertəsi şirkətin idarə heyətinin sədri Vaqif Həsənov məlumat verib.
"Life-şirkət açmaq üçün Qarant Sigorta tərəfdaşların cəlb edilməsi üçün beynəlxalq institutlarla danışıqlar aparmağa başlayıb", - Həsənov bildirib. Həsənov şirkətin konkret olaraq hansı maliyyə institutları ilə danışıqlar apardığını açıqlamayıb.
Azərbaycanda "Sığorta fəaliyyəti haqqında" yeni Qanun martın 15-də qüvvəyə minib. Təsdiq edilmiş qanuna görə, sığorta şirkətləri Life və Non-life şirkətlərinə ayrılacaqlar (üç il ərzində). Life-şirkətlər sığortaçılara yığım sığortası təqdim edəcəklər.
Həsənov bildirib ki, şirkət Life-şirkətin açılması üçün öz vəsaitləri kifayət etmədiyinə görə, beynəlxalq institutlarda tərəfdaşlar axtarır.
Qarant Sigorta Azərbaycanın sığorta bazarında 2007-ci ilin noyabrından fəaliyyət göstərir. Şirkət 18 növ könüllü və dörd növ məcburi sığorta xidməti göstərir. Şirkətin Nizamnamə kapitalı 1 mln. manat təşkil edir.
Müəlliflə əlaqə saxlamaq üçün elektron ünvan: [email protected]