Azərbaycan, Bakı, 26 may/ Trend , müxbir İ.Xəlilova/ Beynəlxalq Maliyyə Korporasiyası Azərbaycanda korporativ idarəetmənin müasir standartlarının (ACGP) tətbiqinə texniki yardım proqramının ikinci fazasınınr reallaşdırılmasına başlayıb. Bu barədə bazar ertəsi Seco-da Milli Proqramın rəhbəri Nailə Səfərova məlumat verib. Onun sözlərinə görə, Seco layihənin maliyyələşdirilməsini öz üzərinə götürüb və onun reallaşdırılması üçün $4 mln.-dan çox vəsait ayırıb.
"Biz layihəni kəsməyi məqsədəuyğun hesab etmədik;şirkətlər yenicə korporativ idarəetmə standartlarına keçirlər, - Səfərova bildirib. Bu günə bu fazada layihənin başa çatdırılması onun nəticələrinin itirilməsinə səbəb ola bilər".
Layihənin ikinci fazasına sərmayə yatırılması planlaşdırılan şirkətlərin seçimində sərmayədarlara texniki yardımın göstərilməsi, onların korporativ idarəetmə prinsiplərinə uyğunluğunun qiymətləndirilməsi daxildir.
Layihənin əvvəlki fazasının bütün komponentləri - ictimaiyyətin xəbərdar edilməsi, sınaq şirkətlərlə iş qüvvədə qalır. Layihə bütün bazarı əhatə edəcək, lakin, qismən bəzi şirkətlərlə ayrıca işləyəcək. Birinci layihədə olduğu kimi, ikinci faza borc götürənlərə, kredit xətlərinin alıcılarına, kapitalında benəlxalq institutların iştirak etdiyi şirkətlərə yönəldiləcək.
Seco-nun nümayəndəsi hesab edir ki, ikinci faza çərçivəsində 10-dan çox şirkət seçilməyəcək. Belə ki, prioritetlərdən biri yalnız kəmiyyət deyil, keyfiyyət olacaq və müvafiq olaraq, çox sayda şirkətlə mühüm nəticəyə nail olmaq mümkündür. Birinci fazada altı bank və şirkət seçilib.
Seçim üçün meyar təşkilatın səhmdar cəmiyyət kimi statusu, korporativ idarəetmə strukturunun (Müşahidə Şurası, idarə heyəti, ümumi yığıncaq) və onun keyfiyyətinin artırılmasına marağın olmasıdır. Korporativ idarəetmənin vəziyyəti, məsləhətləşmələr və maliyyə şəffaflığının artırılması tədbirləri də daxil olmaqla, yardım ardıcıllıq qaydası ilə benefisiarlar tərəfindən göstəriləcək.
Layihə İqtisadi Əməkdaşlıq və İnkişaf Təşkilatının (OECD) normalarına uyğun olaraq və İsveçrənin Seco Dövlət Katibliyinin maliyyə dəstəyi ilə korporativ idarəetmə standartlarının tətbiqinə yardım edir.
BMK tərəfindən irəli sürülən və Seco-nun maliyyələşdirdiyi layihənin rəsmi açılışı 2005-ci il yanvarın 26-da keçirilib. Layihənin birinci fazasının reallaşdırılması üç ilə hesablanıb, onun ümumi büdcəsi $2,1 mln. təşkil edib.
Mayın 26-a olan rəsmi məzənnə - 0,8225 AZN/USD.
Müəlliflə əlaqə saxlamaq üçün elektron ünvan: [email protected]
