Azərbaycan, Bakı, 14 iyun / Trend , müxbir İ.Xəlilova / Azərbaycan Dövlət Əmlakının İdarə Edilməsi üzrə Dövlət Komitəsi özəlləşdirilmiş müəssisələrin istehsal etdiyi məhsulların rəqabət qabiliyyəti və ixrac potensialının artırılmasının dəstəklənməsi məqsədi ilə məsləhətçi cəlb olunması üzrə açıq tender elan edir.
Ixrac potensialı olan özəlləşdirilmiş müəssisələrin seçimi tenderin qalibi tərəfindən aparılacaq. Göstəriləcək xidmətlərin dəyəri, işçi heyətinin təcrübəsi, iş planı və iş planının yerinə yetirilməsi metodları, iddiaçının bu sahədə əvvəlki iş təcrübəsi və nüfuzu təkliflərin qiymətləndirilməsi zamanı nəzərə alınacaq.
Tenderdə hüquqi şəxslər iştirak edə bilərlər. İddiaçılar Dövlət Komitəsinin hesabına 500 manat köçürməklə iyunun 17-dən etibarən saat 10.00-dan 18.00-dək Bakı şəhəri, Y.Səfərov küçəsi, 20 ünvanında yerləşən Dövlət Əmlakının İdarə Edilməsi üzrə Dövlət Komitəsindən (otaq 814) tenderin Əsas Şərtlər Toplusunu ala və iştirakçı statusu əldə edə bilərlər.
Tender sənədləri iyulun 21-i saat 18.00-dək, tender teklifi və tender təklifinin bank zəmanəti isə iyulun 31-i saat 18.00-dək (805 otaq) qəbul olunacaq. Bank zəmanəti tender təklif dəyərinin 2 faizini təşkil edir və 60 gün ərzində qüvvədədir.
Tender proseduru avqustun 1-də saat 10.30-da Dövlət Komitəsinin 310-cu otağında keçiriləcək.
Əlavə məlumat üçün əlaqə: (994 12) 490 24 08 (əlavə 218 və 150), faks (994 12) 490 33 59.
Müəlliflə əlaqə saxlamaq üçün elektron ünvan: [email protected]
