Azərbaycan, Bakı, 19 sentyabr / Trend , müxbir N.İsmayılova/ Cümə günü Amerikanın "Bankworld" təşkilatı daha dörd Azərbaycan bankı - "Mugan Bank", "Azdemiryolbank", "NBC Bank" və "Royal Bank of Baku" ilə ABŞ - ın Beynəlxalq İnkişaf Agentliyinin (USAID) "maliyyə sektorunun stabilliyi" (FSSP) Proqramına qoşulması barədə memorandum imzalayıb.
USAID ümumilikdə beş Azərbaycan bankını qəbul edib, onlardan biri "ATRA Bank"dır. Onunla müqavilə sentyabrın 17-də imzalanıb.
Bu beş banka texniki yardımın göstərilməsi üzrə proqram büdcəsi 1 mln. dollar təşkil edir. Bu məbləğ bir ilə nəzərdə tutulub. Lakin "Bankworld"ın icraçı direktoru Barat Barqava bildirib ki, zərurət yaranacağı təqdirdə, Proqramın fəaliyyət müddəti daha bir il uzadıla bilər.
FSSP Proqramı kiçik və orta sahibkarlıq sahələrində kiçik və orta biznes xidməti və metodologiyasının qiymətləndirilməsi sahəsində kredit mütəxəssislərinin öyrədilməsi, mövcud proqramların keyfiyyəti, kredit və risklərin idarə edilməsi üzrə proseslərin tənzimlənməsi, yerli bank depozitlərinin cəlb edilməsi, bank məhsulları və yeni əməliyyat imkanlarının inkişafı üzrə texniki məsləhətləşmələr və treninqlərin keçirilməsini nəzərdə tutur.
ABŞ -ın Beynəlxalq İnkişaf Agentliyi 1992 - ci ildən Azərbacana 284 mln. dollar vəsait ayırıb.
Sentyabrın 19 -na olan rəsmi məzənnə 0,8133 AZN/USD təşkil edir.
Məqalə müəllifi ilə əlaqə ünvanı - [email protected]
