Azərbaycan, Bakı, 25 iyun / Trend , müxbir Ü.İsmayılova /
Avropa Yenidənqurma və İnkişaf Bankı (AYİB) 2009-cu il ərzində Azərbaycan iqtisadiyyatına 200-220 milyon dollar məbləğində sərmayə yatırmağı planlaşdırır. Bu gün bankın Bakı nümayəndəliyinin rəhbəri Frensis Deley bildirib.
"Bankın sərmayəsi iqtisadiyyatın müxtəlif sferalarında 10 layihənin maliyyələşdirilməsinə yönləndiriləcək", - Deley bildirib.
Onun sözlərinə görə, bu sərmayənin yarısı ölkənin bank sektorunda kredit xəttlərinin açılmasına yönəldiləcək. KB Unibank (83 milyon dollar), Azerdemiryolbank (13 milyon dollar) bankları barədə artıq qərar qəbul olunub, Bank Respublika isə danışıqlar mərhələsindədir.
Deley bəyan edib ki, il ərzində AYİB ölkənin 18 kommersiya bankına məxsus olan "Milli Kart" prossesinq mərkəzinin kapitala daxil olması üzrə müqaviləni başa çatdırmaq niyyətindədir. Bu istiqamətdə hazırda mərkəzin kapitallaşdırılması prosesi gedir.
Məqalə müəllifi ilə əlaqə ünvanı: [email protected]
