Azərbaycan, Bakı, 08 avqust / Trend /
Bakı Metropoliteni metronun yeni "Azadlıq" stansiyasının tkilməsi çərçivəsində 200 metr sahədə dalanının inşası üçün işlər həyata keçirir, bu barədə "Respublika" qəzetinə müsahibəsində "Azərtunelmetrotikinti" SC yanında 3 saylı idarənin rəisi Biləndər Məsiyev bildirib. Yeni metro stansiyası paytaxtın səkkizinci mikrorayonunda yerləşəcək.
Məsiyevin də bildirdiyi kimi, stansiyanın hər iki istiqamətdə dəmiryollarının salınması üzrə işlər başa çatıb. Tağşəkilli stansiyada da platformanın və keçid kamerası hissələrinin inşası üzrə işlər artıq başa çatıb.
Stansiyanın inşasına ötən ildə başlanılıb. Bu stansiyanın inşası çərçivəsində "Bakı Metropoliteni" institutu Rusiya və Belarusun layihə institutları ilə birgə stansiyanın layihəsini hazırlayıb. Stansiyanın inşası üçün lazım olan materialların və avadanlıqların bir hissəsi Rusiya, Ukrayna, Türkiyə, Almaniya və digər ölkələrdən gətirilib.
Metropolitendəki mənbənin öncə bildirdiyi kimi, cari ildə "Azadlıq" stansiyasının tikinti işləri üçün dövlət büdcəsindən 57 milyon manat (vergilərlə) ayrılıb .
Bakı Metropoliteni 1967-ci ildən fəaliyyət göstərir ("İçəri Şəhər" stansiyasından üç ara stansiya ilə "Nəriman Nərimanov stansiyasına kimi). Metropolitenin yeddi stansiyası ("İçəri şəhər", "Sahil", "28 may", "Cəfər Cabbarlı", "Xətai", "Nizami", "Elmlər Akademiyası" ) dərində yerləşir, "Bakmil" yerüstü, digərləri - sütünlu stansiyalar isə dayazda yerləşir (cəmi 21 stansiya).
