Özbəkistan, Daşkənd, 17 iyul /Trend, müxbir D.Əzizov/
"Özbəkistan Hava Yolları" milli aviaşirkətinin yeni A320 təyyarəsinin Daşkənd-Bakı marşrutu üzrə ilk ticarət reysi iyulun 19-da baş tutacaq. Bu barədə aviaşirkətin rəhbərliyindən məlumat veriblər. "Airbus Industrie" tərəfindən sifariş olunan 10 Airbus A-320 təyyarəsindən birincisi hava donanmasının yenilənməsi üzrə strateji plan çərçivəsində cümə günü axşam Daşkəndə çatıb.
Bu ilin sonuna qədər Özbəkistan aviaşirkəti daha beş belə təyyarə alacaq, qalan dördünü isə 2011-ci ildə almağı nəzərdə tutur.
"Özbəkistan Hava Yolları" Avropa, Amerika, Yaxın Şərq və Asiyanın 21 şəhərinə, MDB ölkələrinin 22 şəhərinə və yerli aviaxətlər üzrə 11 istiqamətdə uçuşlar həyata keçirir.