Azərbaycan, Qusar, 5 aprel /Trend, müxbir N.İsmayılova/
Hazırda Azərbaycanda 12 soyuducu-anbar kompleksi istismara verilib və daha 15-nin tikintisi davam etdirilir. Bu barədə çərşənbə axşamı Azərbaycan İqtisadi İnkişaf Nazirliyininin Sahibkarlığa Kömək Milli Fondunun icraçı direktoru Şirzad Abdullayev deyib.
Abdullayevin sözlərinə görə, bu komplekslərin ümumi gücü 95,5 min ton təşkil edir.
"İlkin məlumatlara görə, biz meyvə və tərəvəzlərin saxlanması üçün istifadə edilən soyuducu-anbar komplekslərinin tikintisini müsbət qiymətləndiririk, - Abdulayev bildirib. - Və hazırda müəyyən xüsusiyyətli, daha dəqiq desək, soğan, kartof və ayrı-ayrılıqda müxtəlif tərəvəzlərin saxlanması üzrə komplekslərin tikintisinə maraq müşahidə edilir".
Hazırda SKMF-ə Gədəbəy, Bərdə, Beyləqan və Tərtər rayonlarının sahibkarlarından xüsusiləşdirilmiş komplekslərin tikintisi ilə bağlı 5 müraciət daxil olub.
Abdullayevin fikrincə, komplekslərin tikintisi kənd təsərrüfatı sahəsində itkiləri minimuma endirməyə və şəxsi istehsal sayəsində daxili bazarın tələbatını ödəməyə imkan verəcək. Belə ki, bu soyuducu-anbar komplekslərində məhsulun uzun müddət saxlanması mümkündür.
