...

Regional planlaşdırma sxemlərinin hazırlanması üçün Azərbaycanın iqtisadi rayonlarının qiymləndirilməsi aparılır

Biznes və iqtisadiyyat xəbərləri Materials 9 Aprel 2012 18:36 (UTC +04:00)

Azərbaycan, Bakı, 9 aprel /Trend, müxbir A.Axundov/

Azərbaycanın Dövlət Şəhərsalma və Arxitektura İdarəsi regional planlaşdırma sxemlərinin hazırlanması üçün iqtisadi rayonların qiymətləndirilməsini aparır. Bu barədə bazar ertəsi Trend-ə Dövlət Komitəsinin sədr müavini Dövlətxan Dövlətxanov bildirib.

Onun sözlərinə görə, komitə Aran, Gəncə-Qazax, Quba-Xaçmaz, Şəki-Zaqatala və Lənkəran iqtisadi rayonlarında məhsuldar qüvvələrin yerləşdirilməsi, təbii istifadəsi və ərazi təşkilinin regional planlaşdırma sxemləri üzərində iş aparır.

"İlk üç rayon üzrə sxemlər 2012-ci ildə hazır olmalıdır və onların əsasında artıq işlərin yarısı görülüb", - Dövlətxanov qeyd edib.

Onun sözlərinə görə, layihə təklifləri bu sxemə ilin ikinci yarısında daxil ediləcək.

"Hələlik bu regionların vəziyyətinin qiymətləndirilməsi üzərində iş aparılır. Hazırda onlar üzrə konkret layihə təklifləri yoxdur. Belə ki, buna qədər sanballı məlumat bazası toplanmalı, mənzil, kənd təsərrüfatı və digər məqsədlərdə istifadə edilməsi baxımından bu regionların səmərəliliyinin qiymətləndirilməsi aparılmalıdır", - Dövlətxanov deyib.

Onun sözlərinə görə, Şəki-Zaqatala və Lənkəran iqtisadi rayonlarının sxemləri üzərində iş gələn il başa çatdırılmalıdır.

Xəbər lenti

Xəbər lenti